| 1 | Hey! wîpac wî-nanâskomowikîsikâw! | ᐦᐁᕀ! ᐑᐸᐨ ᐑ ᓇᓈᐢᑯᒧᐏᑮᓯᑳᐤ! | |
| Hey! Thanksgiving is just a few days away! | |||
| 2 | êkospîhk ka-wîci-mayawâtamâyahkik kiwâhkômâkaninawak sawêyihtowina kâ-pê-wâpahtamahk kipimâtisiwininahk. | ᐁᑯᐢᐲᕽ ᑲ ᐑᒋ ᒪᔭᐚᑕᒫᔭᐦᑭᐠ ᑭᐚᐦᑰᒫᑲᓂᓇᐘᐠ ᓴᐍᔨᐦᑐᐏᓇ ᑳ ᐯ ᐚᐸᐦᑕᒪᕽ ᑭᐱᒫᑎᓯᐏᓂᓇᕽ᙮ | |
| A time to celebrate with family, giving thanks for the blessings in our lives! | |||
| 3 | tânêhki mâka êkâ ka-tâpwê-itahkamikisiyan? | ᑖᓀᐦᑭ ᒫᑲ ᐁᑳ ᑲ ᑖᐻ ᐃᑕᐦᑲᒥᑭᓯᔭᐣ? | |
| Why not make it more authentic? | |||
| 4 | âha, tâpiskôc aniki opîtatowêwak nistam kâ-kî-nanâskomowikîskâk kayâs. | ᐋᐦᐊ , ᑖᐱᐢᑰᐨ ᐊᓂᑭ ᐅᐲᑕᑐᐍᐘᐠ ᓂᐢᑕᒼ ᑳ ᑮ ᓇᓈᐢᑯᒧᐏᑮᐢᑳᐠ ᑲᔮᐢ᙮ | |
| Yes, just like the Pilgrims on that first Thanksgiving back in the day! | |||
| 5 | tânisi mâka? kitisi-kakwêcimon. | ᑖᓂᓯ ᒫᑲ? ᑭᑎᓯ ᑲᑵᒋᒧᐣ᙮ | |
| How, you ask? | |||
| 6 | wêhcasin! | ᐍᐦᒐᓯᐣ! | |
| Simple! | |||
| 7 | atoskêhik Reel Injuns! | ᐊᑐᐢᑫᐦᐃᐠ Reel Injuns! | |
| Get yourself Reel Injuns! | |||
| 8 | kiyâpic cî pimahkamikisiwak? kitisi-kakwêcimon. | ᑭᔮᐱᐨ ᒌ ᐱᒪᐦᑲᒥᑭᓯᐘᐠ? ᑭᑎᓯ ᑲᑵᒋᒧᐣ᙮ | |
| Are they still around, you ask? | |||
| 9 | âha! pê-sêwêpitamawinân êkwa kakî-itisahamâtinân Reel Injuns! | ᐋᐦᐊ ᐯ ᓭᐍᐱᑕᒪᐏᓈᐣ ᐁᑿ ᑲᑮ ᐃᑎᓴᐦᐊᒫᑎᓈᐣ Reel Injuns | |
| Yes! Call us for your Reel Injuns for Thanksgiving! | |||
| 10 | mâwaci wihtakisiwak têpiyâhk nanâtohk Reel Injuns da Rez ohci, âhpô mîna da Hood ohci. | ᒫᐘᒋ ᐏᐦᑕᑭᓯᐘᐠ ᑌᐱᔮᕽ ᓇᓈᑐᕽ Reel Injuns da Rez ᐅᐦᒋ, ᐋᐦᐴ ᒦᓇ dᐊ Hood ᐅᐦᒋ᙮ | |
| For a standard price we can get you Reel Injuns from da Rez, even from da Hood! | |||
| 11 | êkwa nawac mistakisowak Reel Injuns kâ-wawîwsîhocik. | ᐁᑿ ᓇᐘᐨ ᒥᐢᑕᑭᓱᐘᐠ Reel Injuns ᑳ ᐘᐑᐤᓰᐦᐅᒋᐠ᙮ | |
| And for a few dollars more we can get you Reel Injuns in Regalia! | |||
| 12 | êkwa kîspin namôya nânitaw ta-mistahi-mêstinkêyan kikakî-itisahamâtinân Reel Injuns kêyâpic ê-pîkiskwêcik Injun! | ᐁᑿ ᑮᐢᐱᐣ ᓇᒨᔭ ᓈᓂᑕᐤ ᑕ ᒥᐢᑕᐦᐃ ᒣᐢᑎᐣᑫᔭᐣ ᑭᑲᑮ ᐃᑎᓴᐦᐊᒫᑎᓈᐣ Reel Injuns ᑫᔮᐱᐨ ᐁ ᐲᑭᐢᑵᒋᐠ Injun! | |
| And if you don't mind paying extra we can get you Reel Injuns who still speak Injun! | |||
| 13 | âha! cikôci! | ᐋᐦᐊ ᒋᑰᒋ | |
| Yes! True! Why just imagine! | |||
| 14 | Reel Injuns ê-wawîsîhocik ê-nîminikêcik kinanâskomowini-mîcisowinihk ê-pîkiskwêcik anima kayâs pîkiskwêwin Injun kâ-itwâniwik! | Reel Injuns ᐁ ᐘᐑᓰᐦᐅᒋᐠ ᐁ ᓃᒥᓂᑫᒋᐠ ᑭᓇᓈᐢᑯᒧᐏᓂ ᒦᒋᓱᐏᓂᕽ ᐁ ᐲᑭᐢᑵᒋᐠ ᐊᓂᒪ ᑲᔮᐢ ᐲᑭᐢᑵᐏᐣ Injun ᑳ ᐃᑤᓂᐏᐠ! | |
| Reel Injuns in full dress saying the blessings over your Thanksgiving dinner speaking in that ancient language known as Injun! | |||
| 15 | sêwêpicikê sêmâk REE-LIN-JUNS. | ᓭᐍᐱᒋᑫ ᓭᒫᐠ REE-LIN-JUNS᙮ | |
| Call now! Dial REE-LIN-JUNS. | |||
| 16 | êkwa ka-moscimîyikosiwin kîkway. | ᐁᑿ ᑲ ᒧᐢᒋᒦᔨᑯᓯᐏᐣ ᑮᑿᕀ᙮ | |
| And there's a bonus! | |||
| 17 | cikôci, wâpamiskwâwi kiwâhkômâkanak, mîna kisiwâk kâ-wîkicik kitôtêmak, ê-natomacik Reel Injuns kîkiwâhk ta-kihcinâhowak êka kiya ê-racist-owiyan! | ᒋᑰᒋ, ᐚᐸᒥᐢᒁᐏ ᑭᐚᐦᑰᒫᑲᓇᐠ, ᒦᓇ ᑭᓯᐚᐠ ᑳ ᐑᑭᒋᐠ ᑭᑑᑌᒪᐠ, ᐁ ᓇᑐᒪᒋᐠ Reel Injuns ᑮᑭᐚᕽ ᑕ ᑭᐦᒋᓈᐦᐅᐘᐠ ᐁᑲ ᑭᔭ ᐁ-racist-ᐅᐏᔭᐣ | |
| Just imagine having Reel Injuns over at your house...your family, and your neighbors, will see that you aren't racist! | |||
* The above image is the work of Byron Merrill. It accompanied the 29 September 2012 opinion piece by David Treuer in the New York Times Sunday Review, which you can read in full at the link below:
http://www.nytimes.com/2012/09/30/opinion/sunday/kill-the-indians-then-copy-them.html?_r=0
