ohpahowipîsim: nikâwîpan mîkisihkâcikîw; î-kaskikwâtamâkoyâhk oski-pahkîkinaskisina kita-kikiskamâhk kâwi itohtîyâhki Residential School kistapinânihk.
ᐅᐦᐸᐦᐅᐏᐲᓯᒼ: ᓂᑳᐑᐸᐣ ᒦᑭᓯᐦᑳᒋᑮᐤ ᐄᑲᐢᑭᒁᑕᒫᑯᔮᕽ ᐅᐢᑭ ᐸᐦᑮᑭᓇᐢᑭᓯᓇ ᑭᑕ ᑭᑭᐢᑲᒫᕽ ᑳᐏ ᐃᑐᐦᑏᔮᐦᑭ residential school ᑭᐢᑕᐱᓈᓂᕽ᙮
August: my late mother beads: she is sewing new moccasins for us to wear when we go back to Residential School in Prince Albert.
nôcohitowipîsim: nikikiskîn nitoski-pahkîkinaskisina kistapinânihk isi. ikota kâ-takosiniyâhk nimîskotayawinisânân. nimaskamikawin nitoski-pahkîkinaskisina.
ᓅᒍᐦᐃᑐᐏᐲᓯᒼ: ᓂᑭᑭᐢᑮᐣ ᓂᑐᐢᑭ ᐸᐦᑮᑭᓇᐢᑭᓯᓇ ᑭᐢᑕᐱᓈᓂᕽ ᐃᓯ᙮ ᐃᑯᑕ ᑳ ᑕᑯᓯᓂᔮᕽ ᓂᒦᐢᑯᑕᔭᐏᓂᓵᓈᐣ᙮ ᓂᒪᐢᑲᒥᑲᐏᐣ ᓂᑐᐢᑭ ᐸᐦᑮᑭᓇᐢᑭᓯᓇ᙮
September: I wear my new moccasins to Prince Albert. When we arrive there we changed clothes. My new moccasins are taken away from me.
