This version of “Hairy Hearts” is one Sol made up using elements of Norse mythology (like one-eyed Trolls). He first told it by a campfire one night at Dinosaur National Park.
| SRO | English |
|---|---|
| piyakwâw îsa nîhanîmis kî-pâh-pimohtîw, î-mâhohtît, ispî kâ-otihtawât nîso mîmîthîtîhîsiwa î-piminawasothit kotawânihk. kîsiskaw nakîw ikwa kâsôw sakâsihk ita î-ohci-kitâpamât ôho mîmîthîtîhîsiwa. | Once nîhanîmis was walking along, walking downstream, when he came upon two Hairy Hearts, cooking over a campfire. He quickly hid behind a bush to watch these Hairy Hearts. |
| nîso niska îsa î-nawacîthit, sakapwânâskwa î-âpacihâcik, î-kâh-kwîskinâcik anihi niska. | They were roasting two geese on a roasting stick. |
| akâwâtîw anihi niska awa nîhanîmis mâka namwâc kiskîthihtam tânisi kita-kî-isi-maskamât omîciwinithiw ôho mîmîthîtîhîsiwa. | nîhanîmis wanted those geese but he didn’t know how he could grab them from the Hairy Hearts. |
| kîtahtawî kâ-pisiskâpimât ôho mîmîthîtîhîsiwa î-mâh-mîskoci-kwîskinâthit anihi onawacîwiniwâwa. mâka î-mwayî-mîskotapicik nîkân ana kâ-apit cîki iskotihk otinam oskîsik ikwa mîthîw wîcisâna ikosi wîtha kita-nâkatîthimât niska. | Suddenly he saw that the Hairy Hearts were taking turns turning the geese. But before they changed places the one by the fire took out his eye and gave it to his brother so he could watch the geese. |
| wahwâ! piyak îsa poko î-oskîsikocik, ikwa iyakwîthiw î-mâh-mîskoc-âpacihtâcik…ikwâni pitamâw | Wah! They only had one eye between them which they took turns in using. |
| ikosi mâmaskâtîw nîhanîmis ôho mîmîthîtîhîsiwa, piyak poko miskîsik î-ayâcik, iyakwîthiw î-mîskoc-âpacihtâcik. mitoni mâna kinwîsîs kâ-othastâcik ita miskîsik ostikwânihk ta-kî-astîthik. | nîhanîmis wondered about those Hairy Hearts with only one eye which they shared, taking turns to use it. It took a while before they could place the eye in the correct position on their heads. |
| “ikospî kita-kî-maskamakwâw oniskamiwâwa,” itîthihtam nîhanîmis. “nika-maskamâwak oskîsikowâw nîkân.” | “That’s when I can grab their geese from them,” thought nîhanîmis. “I’ll grab their eye from them first.” |
| mâka nawac poko tâstakâtam wîtha athisk î-kinokâpawithit anihi mîmîthîtîhîsiwa, namôtha nahîthikohk wacihpîw kita-otihtinahk anima miskîsik kâ-astîthik ostikwânithik mîmîthîtîhîsiwak. | But he was a bit discouraged since the Hairy Hearts were tall, he was not a good enough jumper to grab the eye from where it sat in the Hairy Heart’s head. |
| kîtahtawîw kâ-otihtikot mahkîsîsa. | Suddenly a fox came by. |
| “tânisi ôma î-itôtaman nistîsî,” kâ-itikot îsa ôho mahkîsîsa. | “’What are you doing Older Brother?’” says the Fox to him. |
| “tâpwî kihci î-takohtîyan nisîmî,” itîw nîhanîmis. “cîst nîki mîmîthîtîhîsiwak kâ-matwî-piminawasocik, î-nôhtî-maskamakwâw oniskamiwâwa.” | “My, it’s truly a good thing that you arrived Younger Sibling,” says nîhanîmis. “Behold those Hairy Hearts cooking, I want to grab their geese from them.” |
| “tânisi mâka isi,” itwîw mahkîsîs. | “How would you do that?” says Fox. |
| “kîtha kiwacihpân, mahti wîcihin,” itwîw nîhanîmis. “ispî mîskitônahkwâwi oskîsikowâw kîtha nitawi-maskamik ikwa nîtha nikanitawi-otihtinâwak oniskamiwâwa. nîtî ispatinâhk kika-nakistâtin kita-môwâyahkwâw aniki niskak.” | “You’re a good jumper, please help me,” says nîhanîmis. “Go grab the eye from them when they change it. I will go grab their geese. I will meet you up yonder hill where we will eat the geese.” |
| “ahâw,” itwîw mahkîsîs. | “Okay, says Fox. |
| pîhîwak mîmîthîtîhîsiwa kita-mîskotinamithit oskîsikiwâw. namôtha kinwîsk pîhowak ispî kâ-matwî-mîskotinahkwâw omiskîsikowâw. | So they wait. They didn’t have to wait to long when they saw the Hairy Hearts exchange the eye. |
| sîmâk mahkîsîs sipwîpahtâw, kwâskohtiw, î-nawatinahk animîthiw miskîsik ispî î-mwayî-nahastâthit ostikwânithik anihi mîmîthîtîhîsiwa, aspin kwâhci-pahtâw ispatinahk isi, ikota pîhîw nîhanîmisa. pakitahtam animîthiw miskîsik. | Fox immediately ran off, he jumps, grabbing the eye before it was placed on the Hairy Heart”s head, and ran off to the hill to wait for nîhanîmis. He dropped the eye along the way. |
| ikwa nîhanîmis nâcipahîw anihi niska, otihtinîw sakapwânâskihk ohci ikwa ispatinâhk ispahtâw ita kâ-pîhothit mahkîsîsa. | And nîhanîmis too ran off, grabbing the geese, he ran to the hill where Fox was waiting for him. |
| mitoni mitho-mîcisowak mahkîsîs ikwa nîhanîmis. | Fox and nîhanîmis had a wonderful meal. |
| ikwa aniki mîmîthîtîhîsiwak kinwîsk kî-wawânîthihtamwak, î-papâmitâcimocok, î-nitonahkwâw miskîsik, pîthisk kî-miskamwak oskîsikiwâw…ikwa kiyâpic kî-nôhtîkatowak. | The Hairy Hearts were in confusion, crawling around looking for the eye, they eventually found it…and they were still hungry. |
