Brian MacDonald: miyoskamin

Brian MacDonald’s Seasons song is transcribed for us by Dolores Greyeyes Sand, who has added some extra verses of her own through the course of her teaching career.

miyoskamin miyoskamin pê-miywâsin
wayawîtimihk ni-wî-itohtân ni-wî-nitawi-mêtawân

âhâsiwak takopihâwak, sîsîpak mîna
kahkiyaw pisiskîsak waniskâwak

piyêsîsak nikamowak, ayîkisak mîna
mâci-sâkipakâw, miyoskamin

nîpin êkwa, nîpin êkwa, pê-miywâsin
wayawîtimihk ni-wî-itohtân ni-wî-nitawi-mêtawân

pihpihciw nah-nikamow, anikwacâs mîna
mistahi kamâmakosak miyosiwak

pîsim êkwa kisisikêw nitapwêsinân
piko ka-nitawi-pakâsimoyâhk nêtê sâkahikanihk

takwâkin takwâkin pê-miywâsin
wayawîtimihk ni-wî-itohtân ni-wî-nitawi-mêtawân

âhâsiwak sipwêhâwak, sîsîpak mîna
kahkiyaw pisiskîsak nitawi-nipâwak

wîpac êkwa ka-tahkâyâw ka-mâci-mispon
piko ka-kîsosihoyâk ka-tah-tahkâyâw

pipon êkwa, pipon êkwa pê-miywâsin
wayawîtimihk ni-wî-itohtân ni-wî-nitawi-metawân

kahkâkiw nikamow kâ-mâ-mîcisot
kêyâpic pisiskîsak nah-nipâwak

mitoni ati-tahkâyâw, mistahi mispon
piko ka-kîsosihoyâk kâ-tah-tahkâyâk

Click here for a collection of 13 Brian MacDonald songs with audio.