2023 Update: Visit YouTube to find Falynn’s full play list from the Christnmas album:
Following are lyrics for all 8 Christmas songs from Falynn Baptiste’s 2020 Christmas Album: feel free to print them out to read and sing along!
(Learn more about the album itself here: https://creeliteracy.org/2020/11/27/falynn-baptiste-christmas-album-2020-y-dialect/)
Angels We Have Heard on High
- mâmaskâc okîsikowak
matwê-miyo-sipwêhamwak
ôma kihci-nikamowin
mamihcimwê-nikamowin - ka-mâmawî-nikamocik
ê-wî-wihtamâkoyakik
ayamihêw-âcimowin
iyiniw onikamowin
nâspic mamihcimihk
kisê-manitow tipiyaw okosisa
pê-pihkohiwêyiwah
pê-pihkohiwêyiwah
- kiyawâw âhkamêyimok
kwêyask wî-itêyihtamok
ka-miyotêyit tahto
kita-sawêyimêw Jesus
nâspic mamihcimihk
kisê-manitow tipiyaw okosisa
pê-pihkohiwêyiwah
pê-pihkohiwêyiwah
It Came Upon a Midnight Clear
- kî-pêhtâkwan wâsêw-tipiskâhk
kayâsi-nikamowin
ôkîsikowak kî-pêyâcik
êkwa kî-nikâmowak
pêyahtakêyimohk ôta askiy
kihci-ohtâwiyimâw
kawâtan askiy
okîsikowak ka-nikâmocik - kîsikohk pê-ohtohtêwak kêyâpic
pah-pêyâhtak ê-pêhâcik
kêyâpic pêtâkwan nikamowin
misiwê waskotaskamihk
okitimâkan ôta askiy
okîsikowak pêhtâkosiyak
ê-sawêyimâkanak
okîsikowak ka-nikamowcik
okîsikowak ka-nikamowcik
Do You Hear What I Hear
- kâ-itât yôtin mâyacikos
kiwâpahtên cî kâ-wâpahtamân?
kîsikok mâyacihkos
kiwâpahtên cî kâ-wâpahtamân?
acâhkos, acâhkos
ê-nîmihitoht tipiskâhk
tâpiskôc ê-osôsit, tâpiskôc ê-osôsit - kâ-itât mâyacikos okanâpahcikêwa
kipêhtên cî kâ-pêhtamân?
ê-cistwêk okanâpacikêw
kipêhtên cî kâ-pêhtamân?
nikamowin, nikamowin
ispimihk mistikohk
pêhtâkosiwin tâpiskôc kihcikamiy,
pêhtâkosiwin tâpiskôc kihcikamiy. - êkwa kâ-itât kihci-ôkamâwa
kikiskêyihtên cî kâ-kiskêyihtamân?
kihcikamikohk kihci-ôkamâw
kikiskêyihtên cî kâ-kiskêyihtamân?
awâsis, awâsis
ê-kawacihit
pêtamâk mêkiwina,
pêtamâk mêkiwina - kâ-wihtamowât ayisiyiniwa piko itê
nanitohtawin kâ-itwêyân
pêyahtakêyimowin piko itê
nantohtawin kâ-itwêyân
awâsis, awâsis
ê-nipât tipiskâhk
pêhtamâhkonaw pimâtisiwin,
pêhtamâhkonaw pimâtisiwin
ki-pêtamâkonaw pimâtisiwin
kiwâpahtên cî kâ-wâpahtamân?
kipêhtên cî kâ-pêhtamân?
O Come All Ye Faithful
- pê-itohtêk kahkiyaw kâ-tâpwêhtamêk
pê-wâpamihk opimâcihiwêw
ayisiyinihk kî-isi-nihtâwikiw
êkwa mamihcimâtahk
êkwa mamihcimâtahk
êkwa mamihcimâtahk, Jesus Christ - nikamok kiyawâw opimâcihiwêw
mîna acâhkohk kihci-kîsikohk
mamihcimihk mêkwâc ê-îspiyihtâkosit
êkwa mamihcimâtahk
êkwa mamihcimâtahk
êkwa mamihcimâtahk, Jesus Christ
What Child Is This?
- kîko awâsis awa Mary kâ-tahkonât
kîsikowak atamiskawêwak okanawêyihcikêwak asici
Chorus
kihci-manitow awa kâ-nihtâwikit ôma anohc
kiyipa mamihcimihk awa Mary okosisa
- pêtamawâw mêyihtowina âstamik pê-atamiskahk
awâsis pê-pihkohiwêw miyotêhêwak sâkihêwak
Chorus
kihci-manitow awa kâ-nihtâwikit ôma anohc
kiyipa mamihcimihk awa Mary okosisa
O Holy Night
- êkwa anohc kâ-wî-kihci-tipiskâk
manitow kî-pê-âsîstâkonaw
pâstahowin ê-kâsînamâkoyahk
ohtâwiya ê-wî-ka-kihcihât
misiwê mamâhtâkosinaniwiw
pihkohowin kimêyikawinaw
Chorus
nawakîstahk awa kâ-pihkohiwêt
Jesus, Jesus manitow-awâsis
- iyinitik anohc ê-wî-sâkihâyahk
miyo Jesus kâ-pê-nâtikoyahk
wiya tâpwê kikî-pimâcihikonaw
ê-wî-kwatakihêstamâkoyahk
mostosokamikohk kâ-nihtâwikit
maskosiya kâ-onipêwinit
Silent Night
- kâmwâci-tipiskâw
kihci-tipiskâw
kâmwâtan, wâsêyâw
Marie mîna manitowi-awâsis
awâsis ê-kiyâmêwisit
wêtinahk kî-nipâw - kâmwâci-tipiskâw
kihci-tipiskâw
okanawêyicikêwak
matwê-koskwêyihtamwak
opimâcihiwêw
anohc nihtâwikiw.
Rudolph The Red-Nosed Reindeer
- kikiskêyimâw Dasher, êkwa Dancer, êkwa Prancer, êkwa Vixen
Comet, êkwa Cupid, êkwa Donner, êkwa Blitzen
mâka kikiskisin cî
atihk kâ-âcimiht? - Rudolph mihkokot atihk
kî-wâsêyâyiw okot;
kîspin kiwâpahtamwân,
ka-kî-itwân ê-wâstêyik. - êkwa kahkiyaw atihkwak
kî-nanôyacimêwak.
môya pakitinêwak
ka-wîci-mêtawêmikocik. - êkwa pêyakwâw ê-tipiskâk
Santa kî-pê-itwêw:
Rudolph tâpwê kiwâsêkotân,
mahti nîkân-tâpahastimwê! - êkwa kahkiyaw sâkihêwak:
kî-pâhpi-têpwêwak:
Rudolph mihkokot atihk
ka-miyo-âcimikawin!
ka-miyo-âcimikawin!
