Canada 150 years celebrations…but what do we First Nations people celebrate? Let’s celebrate that we still speak our languages; let’s celebrate that we still follow our traditions; let’s celebrate our resilience; let’s celebrate that we still live on our land although for 150 years government policy tried to kill us. Let’s celebrate life.
Canada mitâtahtomitanaw mîna niyânanomitanaw askîwina miyawâtamowin…kîkwây mâka kiyânaw iyiniwak takî-miyawâtamahk? miyawâtêtân kiyâpic ê-pîkiskwêyahk kipîkiskwêwininawa; miyawâtêtân kiyâpic ê-pimitisahamahk kayâs isihcikêwin; miyawâtêtân êyikohk ê-sîpihkisiyahk; miyawâtêtân ê-paspiyahk, kiyâpic ê-pimihkamikisiyahk kitaskînahk âta kihc-ôkimâwin mitâtahtomitanaw mîna niyânanomitanaw askîwina ê-pê-kakwê-mêscihikoyahk. miyawâtêtân pimâtisiwin.
ᑲᓇᑕ ᒥᑖᑕᐦᑐᒥᑕᓇᐤ ᒦᓇ ᓂᔮᓇᓄᒥᑕᓇᐤ ᐊᐢᑮᐏᓇ ᒥᔭᐚᑕᒧᐏᐣ ᙮᙮᙮ ᑮᒁᕀ ᒫᑲ ᑭᔮᓇᐤ ᐃᔨᓂᐘᐠ ᑕᑮᒥᔭᐚᑕᒪᕽ? ᒥᔭᐚᑌᑖᐣ ᑭᔮᐱᐨ ᐁᐲᑭᐢᑵᔭᕽ ᑭᐲᑭᐢᑵᐏᓂᓇᐘ᙮ ᒥᔭᐚᑌᑖᐣ ᑭᔮᐱᐨ ᐁᐱᒥᑎᓴᐦᐊᒪᕽ ᑲᔮᐢ ᐃᓯᐦᒋᑫᐏᐣ᙮ ᒥᔭᐚᑌᑖᐣ ᐁᔨᑯᕽ ᐁᓰᐱᐦᑭᓯᔭᕽ᙮ ᒥᔭᐚᑌᑖᐣ ᐁᐸᐢᐱᔭᕽ, ᑭᔮᐱᐨ ᐁᐱᒥᐦᑲᒥᑭᓯᔭᕽ ᑭᑕᐢᑮᓇᕽ ᐋᑕ ᑭᐦᒍᑭᒫᐏᐣ ᒥᑖᑕᐦᑐᒥᑕᓇᐤ ᒦᓇ ᓂᔮᓇᓄᒥᑕᓇᐤ ᐊᐢᑮᐏᓇ ᐁᐯᑲᑵᒣᐢᒋᐦᐃᑯᔭᕽ᙮ ᒥᔭᐚᑌᑖᐣ ᐱᒫᑎᓯᐏᐣ᙮
(( Solomon Ratt: You can say that again! kihtwâm êkosi kakî-itwân. ᑮᐦᑤᒼ ᐁᑯᓯ ᑲᑭᑤᐣ᙮ ))
